Data:
Baleira (Lugo), 12 de decembro de 2023.-
A Federación Galega de Municipios e Provincias (FEGAMP), da man do GDR3 Montes e Vales Orientais, presentaron as experiencias piloto seleccionadas no marco do proxecto RETTURN (Rede de Experiencias Turísticas baseadas na Tradición Rural), financiado polo Ministerio de Comercio, Industria y Turismo no marco do Plan de Recuperación, Transformación e Resiliencia - NextGenerationEU.
O proxecto RETTURN ten como obxectivo a recuperación do patrimonio inmaterial, transformando o concepto de “turismo rural” para dar resposta a despoboamento das zonas rurais.
As tradicións seleccionadas para o proxecto en Galicia son:
1. Pallozas e teitos de palla.
2. Patrimonio popular apícola nos dominios do oso pardo.
3. Gandaría de montaña e transhumancia.
Na xuntanza celebrada en Baleira (Lugo) presentouse o proxecto RETTURN e o plan de traballo a seguir nos próximos meses. Un dos aspectos relevantes foi identificar as entidades públicas e privadas e os actores territoriais implicados na creación das experiencias turísticas xa que con estes axentes se está a traballar na co-creación das experiencias turísticas coherentes e adaptadas ás diferentes realidades territoriais.
Participaron representantes políticos e técnicos de concellos así como os axentes económicos e sociais vinculados a cada un dos proxectos piloto:
- GDR 3 Montes e Vales Orientais. Xeodestino Ancares Terras de Burón.
- Concello de A Fonsagrada.
- Concello de Baleira.
- Concello de Navia de Suarna.
- Cooperativa A Carqueixa.
- Asociación Cultural A Corripa.
- Centro de Desenvolvemento Rural Ancares.
- Asociación Teitos do Piornedo.
- ASGAFON (sociedade agraria).
- Centro de Desenvolvemento Rural Ancares.
- Ecomuseo. El país del Abeyeiro.