Os concellos galegos constatan a conmoción e solidariedade dos galegos e galegas pola guerra de Ucranía

Data: 

venres, 4 Marzo, 2022 (Todo o día)

A Federación Galega de Municipios e Provincias traslada a mensaxe de orgullo e agradecemento dos alcaldes e alcaldesas dos concellos galegos polas mostras de conmoción e solidariedade dos seus veciños e veciñas ante o sufrimento do pobo ucraíno.

A reacción tanto da Administración local como da cidadanía foi inmediata dende o comezo da agresión bélica. Segundo os primeiros datos recavados pola Fegamp en poucas houras se tiñan ofrecido máis de 600 prazas para unha acollida masiva transitoria, coidados complementarios como escolarización e atención psicosocial entre outros e bens de primeira necesidade.

O desenvolvemento dos feitos en Ucranía está a obligar á comunidade internacional a mudar os modos de axuda humanitaria e neste intre hai indicacións de centrarse en prever aloxamento para refuxiados e reservar os bens materiais, que se entregarán ás persoas acollidas e, na medida en que as condicións sobre o terreo do país invadido o permitan,  o seu envío aos ucraínos e ucraínas que nel seguen.

Porén, os concellos están a comunicar á Fegamp que a avalancha de veciños e veciñas que queren axudar dalgún xeito non cesa.

En nome do municipalismo a Fegamp quere recoñecer a xenerosidade e humanidade dos galegos e galegas e informa que para axudar poden respostar aos chamamentos das ONGs e organismos internacionais que se topan sobre o terreo: