O proxecto Sistema Integrado de Datos Municipais (SIDAMUN) consiste nunha ferramenta de visualización de datos que pon ao dispor de investigadores, responsables políticos e do público en xeral unha colección de indicadores e datos de diferentes temáticas co obxectivo de facilitar o acceso á información o máis detallada posible sobre o estado de situación do territorio.
SIDAMUN é unha ferramenta que permite ao usuario interactuar de dúas formas diferentes:
- Accedendo á información detallada municipal a través dos seis bloques temáticos dispoñibles: demográfico, xeográfico, económico, relativo a servizos dispoñibles, de vivenda e fogar e ambiental. Así mesmo, esta información tamén pode visualizarse en mapas de nivel provincial, autonómico e nacional.
- Por outra banda, realizando consultas personalizadas a través dunha ferramenta de análise que permite ao usuario coñecer, mediante a aplicación de filtros, cales son todos os municipios do territorio español que cumpren cos criterios seleccionados.