Vostede vaise inscribir na II Reunión do Foro Galego Local de Economía Circular, que se vai celebrar de xeito presencial os días 13 e 20 de xuño de 2022 no Auditorio 1 do Edificio Cinc da Cidade da Cultura en Santiago de Compostela.
Está destinado en exclusiva a persoas que desenvolvan o seu labor técnico ou político nunha área con responsabilidades sobre a xestión de residuos dunha entidade local galega.
O Foro Galego Local de Economía Circular (FOGALEC) quere servir de espazo de intercambio de experiencias, boas prácticas e coñecemento entre as entidades locais galegas, e ten natureza permanente. Prevese desenvolver sesións periódicas ao longo do ano coa finalidade de identificar as necesidades e boas prácticas das entidades locais galegas no marco da aplicación dos novos obxectivos de economía circular.