II ENCONTRO GALEGO DE CIBERSEGURIDADE CIBER.gal - 2022

O encontro galego de ciberseguridade CIBER.gal celebrarase os días 9 e 10 de novembro na Cidade da Cultura de Santiago de Compostela (EDIFICIO FONTÁN).

Está organizado polo Nodo galego de ciberseguridade CIBER.gal, do que forma parte a Fegamp, e será un evento integrador que aglutinará entidades de referencia no campo da seguridade da información, expertos na materia, divulgadores profesionais. Acollerá actividades destinadas a toda a sociedade galega: profesionais do tecido empresarial, estudantes especializados, menores, familias, Administración Pública...

Destinatarios: Administracións públicas locais, autonómicas e nacionais. Empresas, profesionais e emprendedores do sector da ciberseguridade. Persoal de entidades académicas e de investigación. Cidadanía: familias, estudantes, cidadáns interesados en coñecer máis de preto o sector.

Contará con actividades como paneis de debate, sesións informativas, obradoiros e concursos de ciberseguridade destinados ao tecido empresarial, á cidadanía e á Administración pública. 

Para máis información, programa e inscrición: https://gaiastech.xunta.gal/gl/actividades/ii-encontro-galego-de-ciberseguridade-2022