Homenaxe á primeira alcaldesa democrática de Galicia - 13 Marzo

A FEGAMP en colaboración co concello de A Cañiza, organizan unha homenaxe á primeira alcaldesa democrática que houbo en Galicia, acto de recoñecemento simbólico ás mulleres que abriron camiño na política. Ela chamábase María Gómez González e foi a primeira rexedora no concello de A Cañiza desde o 15/03/1936 ata o 15/07/1936, elixida durante a Segunda República española, xusto antes do inicio da Guerra Civil. 

Este acto terá lugar o vindeiro venres 13 de marzo ás 12:00 horas no salón de plenos do concello de A Cañiza.