A FEGAMP constitúe as súas comisións de traballo

Santiago de Compostela, 20 de xaneiro de 2026.- A Federación Galega de Municipios e Provincias (FEGAMP) celebrou hoxe a reunión de constitución das súas comisións de traballo, na que participaron os alcaldes e alcaldesas responsables de coordinar os traballos de cada comisión.

Estas comisións organizarán o seu labor dende os respectivos plans de traballo nos que concretarán os acordos acadados na Asemblea da FEGAMP en propostas de iniciativas e posicionamentos, para a súa aprobación e desenvolvemento posterior. Para iso, calendarizarán o seu traballo en varias reunións anuais e demáis xestións entre os alcaldes, alcaldesas, concelleiros e concelleiras participantes. Os traballos de cada comisión contarán co apoio técnico do persoal da FEGAMP.

As comisións e as súas persoas responsables responsables son:

• Igualdade, coordinada por María barral, alcaldesa de Betanzos.
• Servizos Sociais e Promoción Social, coordinada por Cristina Cid, alcaldesa de Allariz.
• Competencias e Financiamento, coordinada por Blas García, alcalde de Ames.
• Concellos de menos de 20.000 habitantes e Entidades Locais Menores, coordinada por José Luis Martínez, alcalde de Ordes.
• Concellos de 20.000 a 50.000 habitantes, coordinada por María Ramallo, alcaldesa de Marín.
• Sete cidades galegas, coordinada por Alberto Varela, alcalde de Vilagarcía de Arousa.
• Deputacións Provinciais, coordinada por Jaime Seara, alcalde de Cartelle.