Data:
O Fondo Galego de Cooperación e Solidariedade, do que fan parte 100 administracións locais de Galicia, lanza a 14ª edición de Vacacións con Traballo, o programa de voluntariado internacional dirixido ao persoal dos concellos e deputacións socias e, este ano, tamén da Xunta de Galicia e mancomunidades.
Vacacións con Traballo é un programa de cooperación técnica e sensibilización, partindo da base de que o know how das administracións é unha das ferramentas máis potentes e específicas.
Ata hoxe, viaxaron a través do programa 44 persoas, que xenerosamente e na maioría dos casos ofreceron o seu mes de vacacións para cooperar, desprazáronse aos países onde o Fondo Galego ten presenza estratéxica, contribuíndo así á mellora da calidade de vida da poboación e xerando fluxos de coñecemento compartido, ideas e contactos.
Enténdese coma un programa de dobre dirección onde ambas partes aprenden, e onde a implicación das/dos candidatas/os é imprescindible.Os perfís requiridos para colaborar 1 mes cos nosos parceiros son os seguintes:
MOZAMBIQUE
Fundação Encontro
- Técnica/o ambiental (prioritario)
- Educador/a infantil
Municipios de Boane e Manhiça
- Técnica/o de finanzas municipais (prioritario)
- Técnica/o de deportes
CABO VERDE
Municipio de Santa Cruz
- Técnica/o de desenvolvemento local (prioritario)
- Técnica/o agrónoma/o
Pode descargar en pdf as bases e a ficha de solicitude e a cartelería. A ter en conta que se pode solicitar unha licenza específica para participar no programa mantendo o salario sen necesidade de gastar as vacacións. O prazo para presentar as candidaturas permanecerá aberto ata o 26 de maio.
Máis información : http://www.fondogalego.org/web/node/3376
Descargas:
Arquivos | Tamaño |
---|---|
Bases da convocatoria 2019 | 222.24 KB |
Ficha de solicitude | 180.32 KB |
Cartel Cabo Verde | 445.86 KB |
Cartel Mozambique | 453.71 KB |